Aruba a haña su programa di television nobo cu jama
Hope Makeover

IshMedia Studios ta trece esaki den un manera hopi sentimental y di un forma pa sigui bay dilanti aunke kiko pasa den bida.

Hope Makeover ta un projecto di television pa e beneficio di e comunidad y di esnan den dificultad.
Esaki a nace for di diferente comerciantenan cu lo kier uni nan mes na e judansa di personanan y/of famianan.
E meta di e organisadornan y e comerciantenan, ta pa por concientisa e comunidad riba e importancia di juda otro den momento di necesidad.

Hope Makeover ta e mesun concepto di e programa tan gusta na mundo completo di Extreme Home Makeover di ABC. Pero IshMedia Studios ta husa e consepto fundamental di e programa cu ta e parti di traha un network di voluntarionan y negoshinan hunto y gara necesidadnan den e comunidad y trece un solucion den cada necesidad. Cada necesidad lo wordo trata door di e directiva di Hope Makeover, cu lo investiga cada caso individual cu hopi detalles pa por jega na e punto di jundasa. E directiva di Hope Makeover ta hopi conciente cu Aruba tin hopi casonan lamentable cu echt mester di judansa, pero ta imposible pa juda tur.

Pamotibo di esaki Hope Makeover su intencion no ta di bira un salvador pa tur problema, sino bira un empuje den e comunidad pa abo cu por juda un persona den necesidad, juda e persona. Bo accionnan no mester bira un programa di televicion, sino bo por hasi un bon trabao di curason. Den mesun concepto di locual bo ta sembra bo ta cosecha of otro ta jame karma y no hasi cu otro locual bo no kier nan hasi cu bo. Bida a sinja nos hopi biaha, awe ta bo bisiña y manjan por ta abo. Y kiko abo a hasi ora bo por a juda? Pesey e intecion di e programa aki su fundeshi ta pa nos por juda otro den momentonan di necesidad.

Pakiko Hope y no Home. Hope ta pa motibo cu nos no kier ta limita na casnan so. Pero den tur otro speransanan cu un famia y/o persona por tin.

Pa por aplica pa un temporada di Hope Makeover pelase manda bo informacionnan na This e-mail address is being protected from spambots. You need JavaScript enabled to view it

E programa aki lo ta un programa cu lo wordo poni riba Aruba su online TV station ishmedia.tv den Hope Makeover ondemand. IshMedia Studios su produccionnan ta unicamente y completamente HD. Esaki lo hasi cu por mira e produccionnan aki completamente HD riba ishmedia.tv. Y tambe e lo bay pasa den un canal riba cable y esaki lo wordo anuncia na luna di September ora nos lansa e prome episodio

Nos prome temporada di Hope Makeover ta un famia cu ta consisti di un mama cu a bira soltera pa motibonan duro di bida, y a pasa den diferente traumanan di bida cu su 2 yuinan chikito di 6 y 7 aña. Mama trabajador pa por cria su famia ta hasi tur cos pa sigui pusha bay dilanti. Den e programa aki lo bo por siña cu bida por ta duro pero nunca give up y lo bo mira lus na horizonte. Pesey keda pendiente di e programanan aki riba ishmedia.tv.

Hope Makeover tambe tin porta habri pa donadornan anonimo. Pa por participa den Hope Makeover como un donador anonimo bo mester registra na e website di ishmedia.tv pa bo por hanja un mensahe na momento cu nos lo mester di algo specifico pa cu un situacion specifico. Y si ta toka na abo cu por juda den e caso, e ora lo por tuma contacto cu nos.

IshMedia Studios kier a gradici tur empresanan y voluntarionan cu a juda pa e famia aki por cuminsa den un bida nobo den su cas full drecha.